Çfarë synonte të thoshte ambasadorja amerikane sipas Spahiut?!

Ish-kryetari i Aleancës Kuq e Zi, Kreshnik Spahiu, ka ‘zbërthyer’ mesazhet e ambasadores amerikanë në Tiranë, Yuri Kim, pasi ministria e Jashtme njoftoi se kanë nisur procedurat për zëvendësimin e saj.

Në një intervistë me gazetaren Sidorela Gjoni, Spahiu tha se SHBA-të janë zhgënjyer nga politika shqiptare.

Sipas tij, për këtë arsye Yuri Kim doli të shpjegojë teatrin politik që luhet në vendin tonë.

“Ambasadorja amerikane është detyruar sot të dalë dhe të japë një mesazh të qartë për publikun, prandaj mbarë populli shqiptar ta marrë vesh. Për sa kohë Edi Rama të jetë kryeministër, Sali Berisha nuk do të hetohet. Për sa kohë Berisha të jetë kreu i opozitës, Edi Rama do të ketë kryeministër. Tashmë Yuri Kim dhe SHBA janë të qartë se ka një teatër politik mes Sali Berishës dhe Edi Ramës, ka një zhgënjim shumë të madh SHBA-së, të cilat në fund të mandatit të zonjës Kim janë përballur me një mosmirënjohje nga qeveria”, theksoi juristi.