Deklarata /Berisha e pranon se Bardhi është kreu i Grupit Parlamentar i PD: Nuk ka rëndësi që ai nuk më njeh mua si kryetar partie!

Ish-kryeministri Sali Berisha ka deklaruar mbrëmjen e sotme në “Open” se Gazment Bardhi është kryetari i Grupit Parlamentar të Partisë Demokratike.

Pas kësaj deklarate, drejtori i News24, Robert Rakipllari, i ftuar në panel, u shpreh se ky i fundit nuk e njeh Berishën si kryetarin e Partisë Demokratike, por sipas ish-kryeministrit kjo nuk ka rëndësi.

Pjesë nga diskutimi:

Berisha: Bardhi është kreu i Grupit Parlamentar i PD…

Rakipllari: Po ai nuk ju njeh ju si Kryetar Partie…

Berisha: Tjetër problem ai, po flasim për Grupin.

Rakipllari: Po nuk është më vete…

Berisha: Po shkon drejt unifikimit.

Rakipllari: Ai do u njohë ju si kryetar?

Berisha: Rendësi ka cilin njeh partia kryetar, dhe partia njeh Sali Berishën!