Deputeti i PD-së, Sula: Qeveria po pasurohet nga taksat e shqiptarëve

Deputeti i PD-së, Dashnor Sula, ka bërë me dije se 28 deputetë kanë bërë kërkesë për shfuqizimin e Bordit të Ushqimeve.

Sula tha se qeveria ka interes vetëm të pasurohet duke marrë taksat e shqiptarëve, ekonomia e të cilëve është e rrënuar.

“Qytetarët mbajnë barrën duke rrënuar ekonominë e tyre. Qeveria pasurohet duke marrë para nga taksat e tyre. Kjo qeveri nuk ka sjellë asnjë risi dhe nuk ka mbrojtur konsumatorët. Pashë një përgjegjësi të lartë nga trajtimi i këtij problemi. Kemi binjden se do të luftojë drejtësia. Nismat që ka marrë qeveria janë thërrime apo fara luledielli për qytetarët”, ka thënë deputeti Dashnor Sula