Deputeti kaubojs tallet me Noizyn

“Noizy i tallavasë me 5-vjeçare u jep mend mbi 10 mijë studentëve që s’kanë lekë…”

Ngjalli reagime të shumta një postim i reperit Noizy në profilin e tij në Instagram ku deklaronte se studentët duhet të dialogonin me kryeministrin Edi Rama.

Disa e mbështetën këtë deklaratë të reperit, ndërsa të tjerë kanë deklaruar se ai ka influencuar në këtë mënyrë tek fansat e tij të shumtë, pasi po i lutet për një leje ndërtimi të një hoteli në zonën e Currilave, kryebashkiakut të Durrësit, Vangjush Dakos.

Më pas reperi u detyrua të fshinte postimin dhe të bënte me dije se nuk është me asnjë parti politike, por se i mbështet studentët në kauzën e tyre.

Në lidhje me deklaratën e bujshme, kanë reaguar shumë personazhe të estradës shqiptare, por nuk kanë munguar as ata të politikës.

Eduard Ndocaj, kandidat për Bashkinë e Lezhës, i njohur ndryshe si deputeti kaubojs, ka ironizuar reperin me një video nga shkolla e Oroshit.

Ndocaj shkruan:

Noizy i tallavasë me 5 vjeçare u jep mend mbi 10 mijë studentëve që s’kanë lekë për të mbaruar studimet dhe i bashkohet velinës dhe bandës së edvinit me paturpësinë më të madhe.”