Deputeti Ndreca qëndroi 4 orë në SPAK: Do shprehem në momentin e duhur

Deputeti i PS, Plarent Ndreca ka qëndruar për gati 4 orë në Prokurorinë e Posaçme, ku është marrë në pyetje.

I pyetur nga gazetarët, deputeti i PS tha se do flasë në momentin e duhur, pasi çështja konsiderohet akoma në hetim.

“Do shprehem në momentin që duhet të shprehem. Do shprehem në atë moment që unë konsideroj se është e duhura.

Mos u nxitoni, do shprehem në momentin e duhur. Çështja konsiderohet si çështje akoma në hetim”, tha Ndreca pasi doli nga dyert e SPAK.

Ndreca është marrë i pandehur për akuzën e shkeljes e pabarazisë në tendera lidhur me procedurat për rikonstruksionin e 4 komisariateve në vend, në kohën kur ai ishte sekretar i Përgjithshëm i Ministrisë së Brendshme.