Deputetja e PS-së, shpreh simpati për Lulzim Bashën

Deputetët e Partisë Socialiste nuk lënë rast pa sulmuar dhe demonizuar kreun e opozitës, një pjesëtare e tyre ka dalë nga rreshti dhe ka thënë hapur atë që mendon për Lulzim Bashën si politikanë.

Deputetja e PS-së në qarkun e Dibrës, Almira Xhembulla, e cila në një intervistë për ‘MyLiving’, e ka quajtur Bashën; ‘Politikan të konsoliduar dhe perëndimor’.

‘Z. Lulëzim Basha tashmë është një politikan i konsoliduar dhe ai reflekton në njëfarë mënyre pjesën që është edukuar në perëndim. Ka një diskurs jo gjithmonë shumë të rëndë dhe mendoj që bën dallim nga paraardhësi i tij në këtë aspekt’, ka deklaruar deputetja e Dibrës, e cila  do të ketë habitur me këto fjalë kolegët e vetë brenda grupit.