Disa pyetje për promovuesin e FRIDËS dhe heshtjen e SPAK-ut

Kjo verë e nxehtë duket  edhe me përvëluese për kryeminitrin Rama të  cilin e shikoni më shumë të udhëtojë me avionin  e personalizuar dukeu  rropatur natë e ditë për të zgjidhur  problemet e Ballkanit  të mbyllur, dhe të Europës së hapur. E shikoni  të  bëjë starin e rrjeteve sociale , ‘blogerin me famë botërore’. Kryeministrit tonë  i del koha të bëjë   podkast  me  Luizin, Elvanën  dhe Benetin por nuk gjen pak kohë të kontrollojë menaxhimin  e punëve  publike  të qeverisë për cilën është votuar dhe paguhet  nga taksat tona. 

Skandalin  erotik tê  Safetit, e mbuloi  bubullima  e  dhunës nga fisi i deputetti Rraja , teksa  opinioni publik ishte hutuar nê telenovelën e  arratisjes së   Arben Ahmetaj,  

një letër nga  Komisionit Europian  njoftoi  qeverinë shqiptare se ka pezulluar grantet për bujqësinë nga programi IPARD, për shkak të korrupsionit dhe mos respektimit të procedurave ligjore nga AZHBR në shpërndarjen e tyre.

Letra i ka mbërritur disa institucioneve por edhe ish-ministrit të  Shëndetësisë  Ilir Beqja, i cili drejton   Agjencinë Shtetërore të Programit Strategjik dhe Koordinimit të Ndihmës europiane

Po çfarë thuhet në letër?

“Për të mos lejuar abuzimin e mëtejshëm të fondeve dhe për të mbrojtur interesin e taksapaguesve të Bashkimit Europian, ju njoftojmë se kemi vendosur të pezullojmë disbursimin e transhit të mbetur të programit IPARD për Shqipërinë derisa autoritetet shqiptare të përmbushin të gjitha kushtet dhe mangësitë e evidentuara” 

Vendimi i BE për të ndërprerë fondet e bujqësisë për Shqipërinë vjen pas një hetimi të OLAF, Zyra Antikorrupsion e Bashkimit Europian. 
I nisur dy vjet e gjysmë më parë, ka zbuluar se autoritetet shqiptare, përkatësisht AZHBR, nuk kanë respektuar procedurat ligjore në shpërndarjen e granteve për fermerët duke bërë që një pjesë e madhe e fondeve të vidhen.

Burime nga delegacioni i Bashkimit Europian  Tthane se OLAF, ka identifikuar disa raste kur paratë janë dhënë për investime fantazmë, të cilat nuk ekzistojnë fare.  

Në letër Komision Europian paralajmëron qeverinë shqiptare se mund të përjashtojë Shqipërinë nga programi IPARD III per shkak te korrupsionit.  Deri në vitin 2027 parashikohet të jepeshin 146 milionë euro grante për fermerët shqiptare.

Hetimi nga BE  për fondet e bujqësisë në Shqipëri nisi në vitin 2021.kur hetuesit e OLAF zhvilluan një operacion blitz në zyrat e Ministrisë së Bujqësisë dhe AZHBR-së duke sekuestruar kompjutera, dokumente si dhe prova të tjera në funksion të hetimit për shpërndarjen e granteve të bujqësisë.

Në dy vite e gjysmë, hetuesit e OLAF zbuluan abuzimet dhe korrupsionin ne Shqiperi, duke cuar ne vendimin ekstrem: pezullimin urgjent të fondeve  për Shqipërinë

Ky vendim bombë i KE e ka tronditur qeverinë shqiptare.

Por disa pyetje do të duhet t’ia bëjmë  kryeministrit Edi Rama, i cili nuk ka faj asnjëherë dhe nuk mban aspak përgjegjësi për veprimet korruptive të ministrave dhe bashkëpunëtorëve të tij.

E dinte  kryemnistri  për hetimin e OLAF dhe cilët janë zyrtarët shqiptarë të implikuar në të?

A ka qenë Frida Krifca që sot është ministre e Bujqësisë  drejtore  AZHBR-së në atë kohë  ? 

A ka ngrënë Frida ‘dardha’, pas shpine  pa dijeninë  tuaj ?!  

Frida Krifca, ështa e para ministre  Bujqësie,  nën drejtimin e sëcilës BE-ja bllokon fondet për bujqësinë shqiptare.

A keni qenë  promovues i palodhur i ‘sukseseve’ të bujqësisë dhe ministres së tij, veçanërisht fondet IPARD vete  ju zoti kryemnister?

A mendoni  se me Fridën mund të kemi shance për zbatimin e projekteve që mbështeten nga Bashkimi Evropian dhe perthithjen e fondeve?

Me pak fjalë, sharlatanët e pakorrigjueshëm në krye të institucioneve shqiptare kanë zbatuar logjikën e inceneratorëve në marrëdhënie me Bashkimin Evropian, vetëm se nga rasti në rast, ndryshojnë vetëm taksapaguesit

Në rastin e inceneratorëve janë taksapaguesit shqiptarë që paguajnë dhe në rastin e dytë taksapaguesit evropianë, për të cilët letra në fjalë shkruan: Për të mos lejuar abuzimin e mëtejshëm të fondeve dhe për të mbrojtur interesin e taksapaguesve të Bashkimit Evropian, ju njoftojmë se kemi vendosur të pezullojmë shpërndarjen e fondeve derisa autoritetet shqiptare të përmbushin kushtet dhe mangësitë e evidentuara.”

Si mund të flitet për integrim në Bashkimin Evropian kur institucionet shqiptare nuk kanë minimumin e shprehisë së protokollit institucional evropian gjatë zbatimit të një projekti?

Si mund të flitet për negociata me Bashkimin Evropian kur ky i fundit shkruan e zeza mbi të bardhë se fondet vidhen nga institucionet shqiptare dhe nuk bëhet asnjë investim?

 Institucionet në fjalë kanë titullarët përkatës të cilët janë në mënyrë direkte përgjegjës për fytyrën aktuale të Shqipërisë përballë Bashkimit Evropian.

 Jemi dëshpërimisht larg Evropës dhe krejt të izoluar në papërgjegjshmërinë dhe provincializmin e skajshëm të institucioneve 

Aferat korruptive të qeverisë Rama janë shtrirë në çdo nivel të qeverisjes qendrore dhe lokale mbi dhjetera raste denoncime nga media per tenderat, e vetmja arsye pas opozites se shpartalluar, që kjo qeveri i ka mbijetuar skandaleve të shumta është kapja e sistemit të drejtësisë. 

PO SPAK-u ? 
Kur  nga Europa vijnë e sekuestrojnë kompiuterat në Ministrinë e Bujqësisë  kaq të vështirë e kishtit  të filloni  një hetim kryesisht ? 
Edhe kjo  ministre  duket se do t’i shkeputet shume shpejt kabinetit Rama 3 dhe ti bashkohet  grupit te akuzuarve nga drejtesia e re