Donald Trump zgjedh Matt Gaetz si Prokuror të Përgjithshëm

Donald Trump ka emëruar ish-kongresmenin e Floridës, Matt Gaetz, si Prokuror të Përgjithshëm për administratën e tij të dytë.

Ky emërim befasues synon të plotësojë një post që ishte pritur me padurim, pasi Trump dhe aleatët e tij po përzgjedhin emra për një mori pozita të larta, që do të shërbejnë pwr fituesin e zgjedhjeve presidenciale të SHBA-së të nëntorit.

Posti i Prokurorit të Përgjithshëm është një nga pozitat më të fuqishme dhe vjen pas një fushate, gjatë së cilës Trump ka sulmuar Departamentin e Drejtësisë të Joe Biden, duke e akuzuar se është përdorur kundër tij për të ndjekur akuza politike.

Gaetz, një figurë e njohur e djathtës ekstreme dhe një mbështetës i zjarrtë i Trump, ka një histori hetimesh gjatë kohës që ka qenë në detyrë. Emërimi i tij ka befasuar shumë vëzhgues, pasi emri i tij nuk ka qenë në krye të asnjë liste spekulative për kandidatët e mundshëm.

Ndërkohë, Trump e ka lavdëruar Gaetzin.

“Matt është një avokat jashtëzakonisht i talentuar dhe i vendosur, i shkolluar në Kolegjiumin e Ligjit William & Mary, i cili ka dalluar veten në Kongres për fokusin e tij në arritjen e reformave që nevojiten me dëshpërim në Departamentin e Drejtësisë,” tha Trump në një deklaratë të postuar në llogarinë e tij në rrjetin social Truth Social.

Ai shtoi: “Pak çështje në Amerikë janë më të rëndësishme se ndalimi i përdorimit të armëve politike në sistemin tonë të drejtësisë. Matt do ta ndalë qeverinë e përdorur si armë, do të mbrojë kufijtë tanë, do të shpërbëjë organizatat kriminale dhe do të rikthejë besimin e shkatërruar thellë të amerikanëve në Departamentin e Drejtësisë.”