Duka: Në korrik e mësojmë se kush nuk e do reformën zgjedhore…

Kryetari i Partisë Agrare Ambientaliste, Agron Duka, nëpërmjet një postimi në rrjet komenton mbledhjen e sotme të Komisionit të posaçëm të Reformës zgjedhore, duke konfirmuar kështu ekzistencën e një klime mosbesimi mbi këtë proces.

“Përshëndes qëndrimin e ambasadorit Bernd Borchardt mbi “Reformën zgjedhore”, koha e fjalëve ka mbaruar.

Çdo vonesë e panevojshme është një shenjë e qartë dalluese midis atyre që kërkojnë zgjedhje të lira dhe të ndershme, dhe atyre që krijojnë pretekste për të mbajtur sistemin zgjedhor larg qytetarëve dhe peng të shit-blerjes së votës.

Tre muaj na ndajnë nga afati i vendosur nga OSBE-ja për finalizimin e saj; në korrik do të mësojmë kush e do dhe kush nuk e do këtë reformë”, shkruan Duka.