E diela e aksidenteve, dy makina përplasen në Shkopet

Përditësuar më 6 August 2023, 10:12

Dy persona mbetën të plagosur mëngjesin e kësaj të diele në aksin rrugor Burrel – Skuraj. Automjeti me të cilin po udhëtonin doli nga rruga dhe përfundoi disa metra poshtë saj.
Ngjarja ka ndodhur në Shkopet në vendin e quajtur “Vabli”, në një kthesë. Nu dihen ende shkaqet e aksidentit ndërsa dy personat që ndodheshin në automjet janë dërguar për të marrë shërbim mjekësor në spitalin e Laçit.
Po në të njëjtin vend është aksidentuar gjatë natës një tjetër automjet i cili ka rënë buzë liqenit të Shkopetit. Për fat të mirë asnjëri nga aksidentet nuk ka shkaktuar viktima, ndërsa shkak mund të jetë bërë lagështia në rrugë.

Kjo e dielë e 6 korrikut ka regjistruar një bilanc të madh aksidentesh me dhjetëra të plagosur.

Aksidenti në Rrugën e Kombit

Që në orët e para të mëngjesit u përplas me trafikndarësen dhe doli nga rruga një mjet me targa të huaja.

Ngjarja ndodhi pranë fshatit Gziq të Mirditës, në Rrugën e Kombit. Nga aksidenti mbetën të plagosur 5 persona, anëtarë të një familjeje.

Aksidenti në Fier

Aksidenti më i rëndë u regjistrua në vendin e quajtur “Safari park”, në Fier, ku u përplasën dy automjetet tip “Ford” dhe “Mazda”.

Si pasojë e përplasjes janë plagosur shoferët e mjeteve, shtetasit F. B., 61 vjeç, banues në Fier dhe M. Z., 62 vjeç, banues në Ballsh.

Gjithashtu janë dëmtuar edhe 8 pasagjerë, të cilët po kryejnë ekzaminimet mjekësore në spital.

Aksidenti në Korçë

Në unazën e qytetit të Korçës, në lagjen nr. 18, një makinë tip “Peugeot” me drejtues shtetasin P. V., 74 vjeç, përplasi një motomjet.

I plagosur mbeti drejtuesi i motorit me iniciale D. H., i cili u dërgua për mjekim në spital, ku ndodhet jashtë rrezikut për jetën.

Aksidentet në Shkopet

Një tjetër aksident u regjistrua në Shkopet, në aksin rrugor Burrel – Skuraj. Një automjet doli nga rruga dhe përfundoi disa metra poshtë saj.

Dy personat që ndodheshin në makinë janë dërguar për të marrë shërbim mjekësor në spitalin e Laçit.

Në të njejtën zonë, u aksidentua gjatë natës edhe një makinë, e cila ra buzë liqenit. Fatmirësisht nga ky rast nuk pati të plagosur.

Konkretisht vetëm mëngjesin e sotëm janë regjistruar 5 aksidente rrugore, nga të cilët kanë mbetur të plagosur 18 të plagosur.