Edhe Kepi i Rodonit po jepet me PPP, Saliuani zbulon kontraten

Ish-deputeti i PD-së, Ervin Salianji ka publikuar sot kontratën e dhënies me koncensionit të Kepit të Rodonit.

Sipas demokratit, po jepen me PPP të gjitha asetet më të kërkuara dhe me më vlerë në Shqipëri.

Sipas Salianjit çdo PPP që jepet nuk ka si qëllim të fitojë publiku, por xhepi i oligarkëve.

“Dje Saranda sot Rodoni….Çdo ditë një vjedhje! Sot një llokmë tjetër nga pasuria e Shqipërisë bëhet gati për “pronësim”!

Jepet me PPP, një nga asetet më të kërkuara më me vlerë deri sot e diskutuar shumë se si do të mund të përdorej me mirë.

Gjithçka me PPP, çdo pronë publike, çdo aset kombëtar, toka, dete, lumenj, miniera, minerale, naftë….gjithçka në disa duar ndërkohë që çdo ditë rritet represioni ndaj të varfërve, njerëzve që derdhin gjak për të siguruar ushqimin e përditshëm,

Çdo PPP është interes dhe përfitim direkt pa asnjë kontribut për publiken, në shumicën e PPP janë para të buxhetit që i kalojnë për administrim xhepit të oligarkëve!

Shqipëria nuk është e varfër, është e vjedhur!”, shkruan Salianji.