Flet nëna që ia morën nga duart dhe ia vranë djalin 4-vjeçar: Nuk mundem të shkruaj, fryma po më merret (E PLOTË)

Pas historisë së publikuar nga Agron Tufa, drejtor i Institutit për Studimin e Krimeve dhe Pasojave të Komunizmit, Karabollaj e ka falenderuar personalisht.

Ajo ka komentuar në postimin e Tufës në Facebook, ku shpreh falenderimet, ndërsa thotë se nuk mund të flasë më për vogëlushin e saj Arturin se i merret fryma.

Komenti i plotë:

Pershendetje miku im fisnik A. Tufa.

Faleminderit shume per dedikimin, sa të dhembsur dhe rrënqethëse.

Përshkrim real, vërtetësi e gjallë, ku nuk i heq dot asnjë presje.

Më beso… u shtanga tek lexoja çdo shkronjë dhe lotët më binin si ujëvarë e tërbuar.

Vetëm shpirti e një nëne e di sa vuan, ndaj një makabre, kurdisje apo krimi komunist që më ngjan si film horror të përbërë nga ç’njërez vampir dhe të pa shpirte.

Ajo kohë e zezë më mori birin tim, ku me gjakun e tij të pastër prej ëngjelli të ushqej bisha koministe, i rrethuar me çakenjë e zuzarë të infektuar në shpirtë dhe zemër.

Arturi im i vogël tashmë jeton pranë engjëjve të tij, por iku i perveluar, ashtu si dhe shumë të tjerë, nga komunizmi barbar dhe i të pa shpirterve.

Nuk mundem te shkruaj dot më, fryma po më merret… veç Zoti marrtë hak.

Mirënjohje pamatë.

Të përshëndes me respekt B. Karabollaj.