FNSH kontrolle në Vlorë

Forcat e Ndërhyrjes së Shpejtë po zhvillojnë kontrolle në akset nacionale të qytetit të Vlorës.

Policia ka vendosur postoblloqe në hyrje të qytetit bregdetar, në rrugën Transballkanike si dhe në fshatrat e qytetit.

Mësohet se efektivët po kryejnë kontrolle tek mjetet luksoze ndërsa fokus është arrestimi i personave të shpallur në kërkim.

Policia ka kryer gjithashtu kontrolle në disa fshatëra ku mund të fshihen këta eksponentë të krimit, por jo vetëm pasi ato janë duke mbikqyrur dhe zonat ku mund të jenë kultivuar lëndë narkotike