FOTO/ Ardian Çela ngec në llucë

Është fushatë dhe Partia Socialiste, e cila mori si dhuratë nga opozita shumicën dërrmuese të bashkive të vendit, ka angazhuar në misionin e mbledhjes së votave të gjithë institucionet e mundshme, me qëllim për të ekzekutuar si duhet mashtrimin e radhës ndaj qytetarëve.

Kështu ka ndodhur edhe me OSHEE. Administratori i kësaj kompanie, Ardian Çela, është drejtuesi politik i fushatës elektorale në Durrës dhe po bën çmos për të zbatuar urdhrat e “lartmadhërive” të tij dhe për të mbledhur sa më shumë vota për Emiriana Sakon.

Gjithsesi ndodh që të ngecësh në llucën e rrugëve, që pikërisht partia jote nuk i ka shtruar dhe misioni për të mbledhur vota të të kthehet në një “boomerang”. Kështu ka ndodhur në fakt, pasi një makinë e OSHEE ka ngecur në rrugët e Gramshit, i braktisur prej vitesh. “Ardian Çela shkon të kërkojë vota, ngec në llucë”, shkruan qytetari përbri fotove të sjella në redaksinë tonë.

Makina e OSHEE nuk ja ka dalë të mposhtë baltën në tentativën e saj për të mbërritur në destinacion dhe të bërë të mundur sigurimin e ndonjë vote për partinë. Por si do të mund të votonin njerëzit e kësaj zone dikë që i lë në një gjendje të tillë, mes baltës?