Foto/Pronar i një lokali dhe i lidhur me grupet mafioze, ky është shqiptari i vrarë në Greqi

Një 45-vjeçar me origjinë shqiptare, i cili ka marrë nënshtetësinë greke që prej vitit 2009, mbeti i vrarë në atentatin e ndodhur mesditën e sotme në orën 13:15, në Thrakomakedones, ndërsa një 44- një vjeçar me origjinë shqiptare u plagos rëndë në kokë dhe bark.

Irakli Davella, sipas informacioneve të policisë, është arrestuar në vitin 2009 për zhvatje në grupin e “Sabrella”, i cili u vra në qershor 2018 në Paleo Faliro.

Policia beson se bëhet fjalë për një larje hesapesh, nisur nga e kaluara e 45-vjeçarit, i cili dyshohet se ka lidhje me tre figura të natës, të cilët janë vrarë në luftën e ndezur mes grupeve rivale të mafias greke.

Davella ishte pronar i një lokali në Peristeri, ndërsa në verë merrte automjete me qira edhe në ishuj. Ai duket se ka mbajtur marrëdhënie miqësore me persona të lidhur me mafian greke, ndërsa shqiptari i plagosur kishte mbërritur në Greqi nga Dubai pak ditë më parë. Ka dyshime se autorët ishin në dijeni të këtij fakti prandaj vendosën të veprojnë menjëherë.

Nga mënyra se si u sulmuan shqiptarët, duket se autorët e kishin planifikuar sulmin dhe prisnin momentin e duhur. Para krimit ata vodhën një makinë nga Athina, shkuan në zonë, iu afruan viktimave dhe filluan të qëllojnë. Sulmi ndodhi jashtë një dyqani në kryqëzimin e rrugëve Aristotelous dhe Komotinit, ku autorët qëlluan me gjakftohtësi mbi viktimat dhe më pas larguan me shpejtësi.