FOTOT skandaloze nga Parku Kombëtar i Valbonës

Bukuritë e natyrës, të ndërthurur me ngjyrat plot jetë i japin turizmit malor përparësi që të vizitohen nga shumë turistë.

E ndonëse jemi një vend i bekuar nga bukuritë përrallore që fal natyra, dora e njeriut, por edhe fakti që shteti nuk bën asgjë për komunitetin, po i bën keq Shqipërisë.

Themi këtë pasi në Parkun Kombëtar të Valbonës, pushuesit do të duhet të përballen edhe me kosha të mbushura dhe plehra e të hedhura në tokë.

Së fundmi një qytetar ka fotografuar në Valbonë një grumbull të madh plehrash që lë shumë për të dëshiruar.

Siç duket, ndonëse e mrekullueshme për atë çfarë të ofron, Valbona është lënë në mëshirë të fatit sa i përket ndotjes nga plehrat.

Përgjegjës për këtë të keqe që po i bëhet Parkut të Valbonës pa dyshim është dora e njeriut që e ndot pa menduar dy herë.

Gjithashtu të përfshirë në këtë masakër mjedisore janë edhe instancat vendore që nuk marrin masa për pastrimin e zonës.