FOTOT/U sulmua nga protestuesit, deputeti i PS: Bëj thirrje që policët të jenë të pajisur me mjetet për turmat që thyejnë ligjin

Deputeti i PS-së, Paulin Sterkaj ishte një ndër deputetët i cili u sulmua më herët ditën e sotme nga protestuesit.

Pas përfundimit të seancës plenare ai e ka dënuar dhunën e përdorur shtoi se të bësh thirrje për të sulmuar deputetët, sipas tij,  nuk është normale.

“I bëj thirrje ish-kolegëve, ish po ata i kanë bërë false djegien e mandateve, kjo është anarki po ne do zbatojmë ligjin.

Nuk është normale të bësh thirrje si ajo e Petrit Vasilit për të sulmuar deputetët. Kjo është situatë e paprecedentë.

Kam frikë se do i kopjojnë në Gjermani do kërkojnë të iki Merkel. Bëj thirrje që policët të jenë të pajisur me mjetet për turmat që thyejnë ligjin”, tha Sterkaj.