Gazetari Koka irritohet keq me Veliajn: Je lëtyrë fare me këtë që bëre me Cim Xhepën

Përditësuar më 10 July 2018, 23:53

Statusi i gazetarit Bledian Koka:

Erion Veliaj, ky letyrë i pashoq…
Erion Veliaj tregoi sot se nuk ka limite në ligësinë që e karakterizon. Ka marrë Cim Xhepën, të madhin ndër më të mëdhenjtë e aktorëve shqiptarë dhe e ka bërë administrator pallati.

Me gjithë respektin për njerëzit që e kryejnë këtë detyrë, jam i sigurtë që çdo njeri prej tyre ka ëndërrur në jetën vet të jetë si Ndricim Xhepa, ndërsa Çimi me shumë gjasë kurrë nuk e kishte çuar në mendje se një ditë pas një karriere brilante si aktor do të përfundonte administrator i një pallati duke iu lutur banorëve të shkallës së vet që të paguajnë paratë për pastrimin e shkallës. Imagjino për një moment sikur Bill de Blasio, kryebashkiaku i Nju Jorkut të postonte në Twitter-in e tij foton sesi Robert De Niro ka filluar punë si portier i pallatit të vet në Manhatan dhe ta shiste këtë si shembull qytetarie.

Pra në vetëm 5 vite qeverisje të Edi Ramës në Shqipëri, dhe 3 vite të Erion Veliajt në Tiranë, Ndriçim Xhepa përfundoi të punojë për bukën e gojës si administrator pallati (respekti maksimal për këtë profesion). Dhe sikur të mos mjaftoje dëshperimi që prodhon një situatë e tillë, Erion Veliaj që edhe sikur ta emëronte Ndriçim Xhepën nënkryetar bashkie, jo vetëm qënuk do ta kritikonte njeri, por do ta përgëzonin për këtë akt, e shet katandisjen e gjigandit të skenës dhe ekranit shqiptar si një shembull “përkujdesjes së tij për komunitetin që drejton”.

A mund të këtë trishtim më të madh se kaq? A mund të ketë poshtërimi një emër më të fëlliqur se Erion Veliaj? A mund të ketë dëshpërimi një imazh më ikonë sesa kjo Çimit në këtë foto?

A doni me më shumë se kaq për ta neveritur këtë plehrë që e votuat për kryetar bashkie?!… I kërkoj ndjesë publike Çimit pasi ruaj admirimin maksimal për veprën e tij, por zemërimin e kam të madh ???
p.s…a ka më fjalë pas kësaj?!…