Gent Strazimiri i thur vargje Vasilika Hysit: Mblidhniu ju varza, mblidhniu ju gra, m’e ata sy…

Deputeti demokrat Genc Strazimiri ka ironizuar me kolegen e tij socialiste Vasilika Hysi, pas vendimit të byrosë së kuvendit për të mos përjashtuar kryeministrin Rama nga seanca.

Me kërkesë të deputetëve të LSI-së, për Ramën kërkohej përjashtimi i tij nga Kuvendi, për shkak se krahasoi shqiptarët me organin gjenital të meshkujve. Por sipas deputetes socialiste Hysi kryeministri kishte recituar vargjet e një poezie.

Në kontrast me këtë deputeti Strazimiri i këndon Vasilika Hysit poezinë e Pashko Vasës ‘’O moj Shqypni”.

Reagimi i Strazimirit:

“Mblidhniu ju varza, mblidhniu ju gra, 
M’ata sy t’bukur q’dini me qa, 
Eni t’vajtojmë Shqypninë e mjerë, 
Qi mbet’ e shkretë pa em’n, pa nder”!

P.S. Vetëm pak orë më parë, individi që shihni në foto ka miratuar “Kodin e Etikës” së Kuvendit të Shqipërisë, duke “kontribuar” edhe në debatin për të, si “ish-aktiviste e të drejtave të njeriut”, veçanërisht të grave të dhunuara…?!
Për të, bindja e shprehur kryeministrore që ky popull sado të përpiqet nuk ngrefet dot por rri i shkrehur…, është ETIKE, madje kush e quan fyerje është “baltosës”…