Grupi parlamentar i PD: Manastirliu të dorëhiqet dhe SPAK ta hetojë për korrupsion

Grupi parlamentar i Partisë Demokratike ka kërkuar dorëheqjen e ministres së Shëndetësisë, Ogreta Manastirliu, pas skandalit në departamentin e saj, ku sekretarja e përgjithshme e Shëndetësisë, Joana Duro, u arrestua për akuza të korrupsionit.

Hetimet e Prokurorisë së Posaçme kanë konkluduar se Duro mori 330 mijë lekë si shpërblim për të favorizuar një tender për qendrat shëndetësore. Sipas versionit zyrtar të SPAK, kjo shumë u pagua sekretares së përgjithshme nga një punonjëse tjetër e shtetit, e identifikuar si Laureta Sheto, e cila ishte specialiste e nivelit të lartë në Agjencinë e Shërbimeve Publike të Integruara.

Grupi Parlamentar i PD-së thekson se arrestimi i zyrtares së lartë publike në flagrancë dhe korrupsioni sistematik në Ministrinë e Shëndetësisë nuk mund të injorohen pa përgjegjësi politike.

PD i bën thirrje SPAK-ut që të hetojë Manastirliun, duke vënë në dukje se edhe ministrja ka qenë pjesë e kësaj çështjeje. Sipas PD-së, heshtja e Ministres së Shëndetësisë dhe mosndarja e saj nga veprimet korruptive të bashkëpunëtorëve më të afërt tregon se korrupsioni i Sekretares së Përgjithshme nuk është një rast i izoluar.

“Korrupsioni sistematik në Ministrinë e Shëndetësisë nuk mund të injorohet dhe nuk mund të mos ketë përgjegjësi politike. Ajo dëshmon se sa i përhapur është korrupsioni në qeverinë e Edi Ramës. Tre vite më parë, gjatë kulmit të pandemisë, PD tregoi me dokumente zyrtare se Ministria e Shëndetësisë përdori tendera të fshehur për të vjedhur qytetarët. Pajisjet dhe medikamentet anti-Covid u blihen me çmime të rritura 3-5 herë, por Ministria e Shëndetësisë refuzoi të merrte përgjegjësi politike. Po ashtu, SPAK nuk hapi një hetim të plotë në interes të publikut,” theksohet në deklaratën e PD-së.

Grupi Parlamentar i Partisë Demokratike, në emër të drejtësisë, kërkon dorëheqjen e Ministres Ogerta Manastirliu, si përgjegjëse kryesore politikep