RAMOSKOPI i vitit të RI 2023

Përditësuar më 27 December 2022, 16:58

Edhe  vitin qē vjen,  do të dominojē fuqia e  dy  satelitëve shqiptarë  të ngritur nga NASA që do të mbajnë ndezur fuqinë e pushtetit  të Edit për 365 ditët e vitit që vjen.
Në  filliim tē vitit do të bjerë pak numri i  udhëtimeve me ballon i Kryeministrit  i cili i erdhi  vërdallë botës  kaq shumë sa ju bënë plagë të shkretat të pasme.
Neptuni do ketë një  ndikim   pozitiv   në negociatatt  e kryeministrit për paqe në Ukrainë  dhe  një ecuri jo të këndëshme në  politikēn  Europiane  dhe ballkanike.
Sa i takon  zhvillimeve gjeopolitike  ne Azi do të këtë një ndryshim pozitiv  dhe ka për të    zgjidhur shumë nga hallet e popujve tanë miq dhe armiq .

Puna dhe financat

Yjet parashikojnë se nuk do të mungojë bereqeti .

Tepsia   do të jetë e mbushut plot me PPP dhe tendera sekretë.

Në fillim të pranverës  kuletat do të  fryhen me valutë në llogaritë e kompanive  ofshore por që kapitali  dhe  hyrjet kryesore kanë buxhetin e shtetit.

Gjithashtu Yjet parashikojnë që nga prilli dhe maji të derdhet  leku lumë.
Do të ketë zallamahi dhe spiunllëk masiv për të mbajtur tepsinë  e bakllavasë  megjithëse yjet nuk e favorizojnë shumë por leku dhe  spiunët masovikë  duke gjetur dhe terren të lehtë do arrijnë të shpëtojnë disa llokma të mëdha bakllave  me çdo kusht e mjet.

Naltgjatësia pa patentë do mbajë prapë  timonin duke bredhur  me telefon në dorē si bloger ose fotoreporter  për  restorantet e mishit dhe peshkut  duke nisur nga aeroporti i Finiqit deri në Portin e ri të Portoromanos në Durrës.  Yjet nuk e favorizojnë    qëndrimin e kryeministrit më pak se 150 ditë nē vend. Lufta në Ukrainë do ta detyrijë kollosin e  çeshtjeve gjeopolitike të jetë  aktiv në teatrin e politikës botërore.

Ekonomia

Tepsia e bakllavasë së Alabarit dhe Timoni i koncensioneve duke filluar nga djegësit, sistemin shëndetësor, rrugët do të jenë në pozita dominuese
Yjet parashikojnë  një forcim  rë financave  në kompani offshore dhe rritje  të menjehershme për llogaritë e  pasunikëve që furnizohen  nga buxheti   i shtetit.

Yjet parashikojnë se  brenda planit 5 vjaçar do të jepet  me konçension edhe Këshilli i Ministrave. I madhi   ynë nuk do ketë me nerva të merret me qindra mijëra pensionistë dhe varfanjakët.
Me këto  çeshtje ekonmike yjet parashikojnë që në të ardhme të afërt të meret  Salillari, Kastrati, Mane dhe  të afërm të Zotos  dhe  Mërtirit dhe  privatët e preferuar nga  ” I Madhi”
Nga ana tjetër yjet parashikojnë  se do të kemi një gjendje ekonomike tē pandryshueshëm    për pjesën më të madhe të popullatës
do të mbizotërojē mungesa  e shpresës dhe nuk do ketë akoma një perspektivë zhvillimi brenda kufijve, Saturini dhe  yjet parashikojnë  levizje masive drejt  ‘tokës së premtuar’.
Pjese e shqiotarëve që do të ngelen në autobusin pa timon  ku kanë hipur rrezikohen të përfundojnë drejt  greminës, dhe jo drejt destinacionit të dëshiruar.

Do të jetë ndikimi i Hënës që edhe këtë vit e favorizon shoferin e Rilindjes i cili dëshiron ta mbajë  sa më gjatë, Tepsinë.
Media  do të pastrojē gomat e autobuzit, të vjellat dhe  mbeturinat që lë pas shoferi dhe stafi.

I madhi do të zgjidhë qesen për garën ” Kush lêpin më shumë merr llokmën më të madhe! Hëna do të ushtrojë ndikim pozitiv për TV kombëtare e lokale . Do të kenë shumë para në arkat e tyre nga i Madhi…
999 portalet do të tresin dhjamin e tyre se nuk do të kenë lajme të mira për financat e tyre.

Gjithologët analistë në banaqet e emisioneve do të sqarojnë gjatë këtij viti shkencërisht se cili  mundet ta rruajë pa brisk njē vezë pate Berisha, Meta apo Rama.

Të gjithë yjet dhe planetet parashikojnë qē popullata  në qytete e fshatra do vijojë të zhytet në mjerim, duke i rënduar ata më shumë çdo ditë me projekte korruptive e duke shtuar mbi shpatullat e tyre nga dita në ditë një barrë edhe më të rëndë, e cila duhet shlyer me breza, për shkak të përfitimeve kolosale nga një grup kompanish apo individësh, të lidhur me pushtetin e të Madhit
Kompanitë që lejohen nga naltmadhëria do të jenë  ulur  rreth tepsisë edhe për vitiin 2023 dhe do të përfitojnë prej ndarjes që u bën copave timonieri.

  Oligarkët duhet të kenë kujdes nga humori i timonierit se me një të rënë të lapsit gdhihen pa prestigj dhe pa pasuri.

I madhi mund të të bëjë gjëmën në sekondë.
Qytetarët këshillohen  që të paguajnë taksat, ujin dhe energjinë.
Të shikojnë sa të munden ëndrra të bukura  rreth Tepsisë dhe autobusit dhe të luten që  dikush nga opozita e Berishës, Metës, Alibashenjëve apo Selami Jenishetit të  ndikojē pak  mbi   timonin   e të Madhit  me Belën në krah.

Për më shumë ndiqni në mediat kombetare ose  njëlloj  edhe në rrjetet sociale

www.facebook.com/ ediramaal

https://instagram.com/ediramaal?igshid=YmMyMTA2M2Y=

“Nëna  Parti” me mbretin  legjendë  në krye  do të na çojë drejt rrugëtimit pa busull, në stacionin e radhës së 14  Majit  dhe aty   yjet  nën ndikimin pozitiv të hënës do takojmē të ardhmen tonë historike me plot perspektiva.

Kujdes  zgjohuni  se këtu  mbaroi dhe horoskopi për 2023-shin …
Tani përmbyseni filxhan e kafesë  aty në shenjat e llumit të  errët  ju që keni mbetur   lexoni dhe  do të zbuloni  të ardhmen “e ndritur” që ju pret.

Do ju dalë një E e madhe, pastaj, një I pastaj një S e përthyer, një B  dhe në fund një M…. e madhe që ta konsumojmë gjatë gjithë vitit të Ri 2023. Gëzuar!