Ilir Meta kërkon lirinë në Apelin e GJKKO

Presidenti i Partisë së Lirisë, Ilir Meta është i pranishëm në Apelin e GJKKO, ku ai do të njihet me rivlerësimin e masës së sigurisë. 

Në seancën e sotme janë të pranishëm prokurorët, Arben Kraja dhe Sotir Kllapi, ndërsa nuk është kreu i SPAK, Altin Dumani.

Ilir Meta, iu drejtua Gjykatës së Posaçme të Apelit duke ankimuar masen e “arrestit me burg” dhe kërkon lirinë, ndërsa ish bashkeshortja e tij, Monika Kryemadhi ka ankimuar masen e ‘detyrimit te paraqitjes’.

Ish-kryetarja e LSI-së, aktualisht deputete e Partisë së Lirisë, Monika Kryemadhi po hetohet nga SPAK për tre akuza pastrim parash, korrupsion dhe mosdeklarim pasurish në lidhje me dosjen e CEZ DIA dhe lobimin e LSI-së në SHBA. Po për këtë dosje po hetohet bashkëshorti i saj, Ilir Meta.

Aktualisht Ilir Meta ndodhet në qeli, pasi ndaj tij SPAK ka caktuar masën e sigurisë arrest me burg.