Interneti u dha zë gjithë budallenjve!

Ky djali që krenohej me pikturat e të tjerëve dhe i shiste në publik për të vetat që mashtroi dhe mori në qafë televizione të rëndësishme dhe media të tjera të shkruara, me pelqeu shumë! Edlir Reka, i cili me delirësinë nuk takohej asgjëkundi, me kujtoi perrallën e famshme të danezit Andersen, “Rrobat e reja të mbretit”. Ai i shiti publikut asgjënë e tij si shumëçka. (Fotomonazhet me pikturat e artistëve ndërkombetaër i kishte shumë të arrira). Nje duartrokitje për pafytyrësinë e tij. Një duartrokitje të munguar edhe për gjithë ata artistë të talentuar dhe modest, artin e të cileve nuk e njohim. Instagrami me kohë është kthyer në një bizhuteri kallpe që të gjithë e shesin për flori. Te jetosh në menyrë të rreme dëmton rëndë shendetin mendor. Reklamimet e rrobave, ushqimeve dhe librave në pergjithesi tregojne varferine, urine dhe paditurine. I falem Umberto Ekos që shkroi dikur: “Interneti na jep gjithçka dhe na detyron të filtrojmë atë jo nga veprimet e kulturës, por me trurin tonë. Kjo rrezikon krijimin e gjashtë miliardë enciklopedive të veçanta, të cilat do të parandalonin çdo kuptim të përbashkët.” Shkurt do ta thoshim: Interneti u dha zë gjithë budallenjve!