Ironia e aktivistit: Pyllin ‘ordiner’ me ullinj e pemë e zëvendësoi pylli orbital i €rionit

Besjan Pesha

Më në fund, pylli orbital erdhi edhe në lagjen time. Deri më sot ne kishim një pyll të vogël nga ata ordinerët, me pemë jeshile, ullinj e kështu gjërash relike. Aty mblidheshin gjithë zogjtë e ta hiqnin trurin me ato këngët e tyre zhurmëmëdha. Plus prej pemëve ishte dhe freskët dhe nuk e ndienim dot vapën si duhej e spo shijonim dot beharin.
Nejse, tortura jonë pra mes pemëve, zogjve, ajrit të pastër etj nga sot mbaroi.
Erdhi pylli orbital i €rionit. U bëmë edhe ne njerëz se na dukej sikur jetonim në xhungël.