Ja vendimi më i fundit për vëndin e Aleksandër Lalos në jurinë e C’est la vie

Kompozitori i mirënjohur shqiptar Aleksandër Lalo, u nda nga jeta gjatë ditës së diel, duke lënë një boshllëk të madh në botën e artit shqiptar si dhe duke lënë përgjysmë rrugëtimin e tij në spektaklin “C’est la vie” ku ishte pjesë e jurisë.

Spektakli pritet të nisë sërish këtë fundjavë dhe sipas “Xing.al”, produksioni ka marrë një vendim lidhur me pozicionin e Lalos në spektakël.Mësohet se karrigia e tij në juri do të qëndrojë bosh deri në fund të spektaklit, për të nderuar kujtimin e kompozitorit të ndjerë dhe duke lënë kështu të kuptohet se ai ishte i pazëvendësueshëm. Aleksandër Lalo u nda nga jeta në moshën 68-vjeçare, si pasojë e një ataku kardiak.