Jo vetëm bukë e cirk por dhe bir kur…llik!

Armir Shkurti

Besoj se Bardh Spahia ka bërë gati dje ceremoninë e celebrimit të Luizit me Kjarën. Në mes të Shkodrës. Një karvan pa krye pa fund shkodranësh ta merrte nga Tirana e ta çonte me pompozitet në qendër të qytetit të lindjes. Sot, “e dile”, kurorëzimi në kishën e madhe. Pastaj, me paratë e mbledhura nga bizneset dhe qytetarët ( nën kujdesin e Bardhit ) ta nisnin në një muaj mjalti përrallor diku …….

Mirëpo nuk do ta ketë lënë produksioni Bardhin. Lojën e kapi Lali, që 1 javë para votimit i vuri edhe qershinë edhe tortën fushatës së tij me celebrimin e mesnatës së 6 – 7 majit.

Momenti i kurorëzimit të një çifti është i shenjtë. Në çiftin më të famshëm të momentit, në audiencën më të madhe në vend, del e merr protogonizmin kryetari i bashkisë së Tiranës. Pikërisht se është i shenjt ky çast, çdo koment për Lalin humbet fuqinë.

A më erdhi inat?
Plasje!

• “Bir kurve”! – thashë me vete , në kuptimin e figurshëm ” i shkathët, i zoti”. Ai dhe ata që e ideuan këtë skenar. Një publicitet brilant një javë para votimit. Ishte pjesë e show – t dhe hallall lekët atyre që famën e Luizit dhe audiencën e BBV ia shitën ( uroj me çmimin e duhur ) atij që diti ta marrë atë protogonizëm!

Këtë fushatë pushteti e nisi me tallava, me atë “ta hongsha”, vazhdoi me ahengje kudo në Shqipëri dhe e kurorëzoi me spektaklin e djeshëm. Bukë e cirk si këtë rradhë nuk mbaj mend, qysh kur kam lindur.