Kampioni i Kick Box-it çudit në emision: Jam rrahur nga një femër

Të gjithë njerëzit që e dinë se Ismail Keta është kampion Kick Boxi nuk do të guxonin t’i afroheshin, e aq më pak të na e merrte mendja se një femër do ta rrihte.

I ftuar në emisionin “Xing me Ermalin”, kampioni ka rrëfyer pa dorashka se është rrahur nga një femër.

“Unë doja të isha gjithmonë i pari dhe bëja gabime, ndaj një trajner më fut të ndeshem me një vajzë. Ajo bënte boks në olimpiadë dhe nga ana teknike, ngaqë përdorte trurin, ishte më mirë se unë.”

Keta tregoi më tej se vajza ishte shumë e talentuar, por kampioni ynë ishte stepur dhe nuk e kishte goditur në mënyrën e tij vetëm për faktin se ishte femër.

“Mua më vinte dhe turp ta godisja alla shqiptarçe. Ajo më goditi disa herë në hundë dhe mua më nisi gjaku. Imagjino çfarë turpi, thosha: ‘Hapu tokë të futem!’ Por ishte mësimi më i mirë,”- rrëfeu Keta.