Kënga Magjike/ Mësoni çdo të ndodhë në natën finale

Plot emocione ishte nata e parë e festivalit “Kënga Magjike” e transmetuar mbrëmjen e djeshme në TV Klan, nën drejtimin e Ardit Gjebreas dhe bashkë-prezantuesëve Bes Kallaku, Erion Isaj, Arjola Shehu dhe Nevina Shtylla.

Pas pak çastesh pritet të nisë mbrëmja e dytë e gjysmëfinales ndërsa të shtunën finalja e madhe, aty ku është rezervuar edhe surpriza që publikut vërtet do t’i pëlqejë shumë.

Surprizën e ka zbuluar vetë Ardit Gjebrea i cili do jetë po vetë surpriza pasi këngëtari shumë i dashur për publikun, do të këndojë në festival këngën e tij të re, për të cilën ka kaq kohë që po punon.

“Po këngën tënde të re kur do e dëgjojmë?”, e pyet një fanse Gjebrean në Instagram. “Të shtunën”, i përgjigjet ai.

Kujtojmë që pak ditë më parë Gjebrea zbuloi se kënga e re do vijë në bashkëpunim me vajzën e tij Anën.

Publikut i mbetet vetëm të presë të shtunën.