KQZ publikon ndarjen e vendeve për Këshillat Bashkiakë/ PS merr shumicën e mandateve

KQZ ka bërë zyrtar rezultatin sa u përket Këshillave Bashkiakë në zgjedhjet e 14 majit.

Për Këshillat Bashkiakë ishin në garë 1613 mandate për 61 bashkitë e vendit, ku shumicën e tyre e ka marrë Partia Socialiste.

Sipas të dhënave nga KQZ-ja, Partia Socialiste ka marrë 758 mandate. Më pas e dyta si forcë renditet koalicioni “Bashkë Fitojmë” me 292 mandate, ndërsa PD e vulës renditet forcë e tretë me 7 mandate më shumë se PSD, e cila ka marrë 116 mandate.

Nga të dhënat zyrtare shihet qartë se PS-ja jo vetëm ka fituar numrin më të madh të kryetarëve të bashkive në rang vendi me 53 + 1 në koalicion me subjektin politik MEGA, por renditet forca e parë politike edhe sa i përket proporcionalit, duke marrë pjesën dërrmuese të vendeve në Këshillat Bashkiakë.