Kriset aleanca? Trump: Duhet ta kishim nxjerrë Spanjën nga NATO

Presidenti i SHBA-së, Donald Trump, ka kritikuar ashpër Spanjën për dështimin në përmbushjen e angazhimeve financiare ndaj NATO-s, duke sugjeruar për herë të parë mundësinë e përjashtimit të këtij vendi nga aleanca ushtarake.

Deklarata e fortë u bë gjatë një konference të përbashkët për shtyp me presidentin e Finlandës, Alexander Stubbs, në Shtëpinë e Bardhë.

“U kërkova vendeve të NATO-s të shpenzonin 5% të PBB-së për mbrojtjen, jo 2% si më parë. Shumë menduan se nuk do të ndodhte, por ndodhi. Të gjithë po e bëjnë, përveç njërit, Spanjës. Ata nuk kanë justifikim për të mos e përmbushur. Ndoshta duhet t’i kishim përjashtuar nga NATO, sinqerisht,” deklaroi Trump.

Sipas Trump, shumica e vendeve aleate kanë përmbushur kërkesën për rritjen e shpenzimeve ushtarake, përveç Spanjës, të cilën ai e cilësoi si “pengesë” për aleancën.

Kjo deklaratë vjen në një kohë kur NATO po përgatitet për sfida të reja gjeopolitike, përfshirë tensionet me Rusinë dhe përforcimin e mbrojtjes kolektive në lindje të Evropës.