Kryeministri kërkon të dalë mbi SPAK-un dhe gjykatat për ‘sterilizimin’

Sot, kryeministri Edi Rama u përpoq që t’i hiqte të gjitha akuzat që ishin hedhur mbi aferën e sterilizimit duke shkuar vetë te laboratorët.

Ai shkoi dhe deklaroi se askush nuk mund t’i sekuestronte se ishte një punë e madhe që ishte bërë, e të tjera si këto.

Nuk la pa përmendur faktin se SPAK-u po vijon hetimet.

Kryeministri kërkoi të hiqte veladonin e zi që i kishte hedhur sterilizimit, por në fakt të gjitha mediat pa përjashtim, edhe mediat më opozitare, asnjëra prej tyre nuk ka kontestuar procesin e sterilizimit, si një proces i nevojshëm dhe që ka benefite të padiskutueshme për shëndetin e njerëzve.

Por ka një punë që bëhet me një lek dhe një punë që bëhet me qindra miliona euro që abuzohen apo vidhen dhe u jepen miqve dhe shokëve të shkollës.

Asnjëra nga mediat s’e ka sulmuar sterilizimin si proces, përkundrazi janë nxjerrë faktet dhe provat në lidhje me kontratën e firmosur dhe vlerat e fryra të saj, pra shumën që nevojitet për këtë gjë.

Pa diskutim që mund të bësh sterilizim edhe me 1 miliard euro pa pasur tavane buxhetore, por mund të bësh sterilizim edhe me 500 mijë euro me tavane buxhetore.

Kjo është ajo që i është thënë kryeministrit për sterilizimin, procesin korruptiv.

Askush nuk ka akuzuar sterilizimin, kanë akuzuar bashkëpunëtorët e kryeministrit, si hajdutë të përfshirë në një aferë dhe në një skandal.

Zëvendësministri i tij, i Edi Ramës, është në burg, pas prangave, pronari i koncesionit është në burg.

Me shpërdorim detyre të lexuar dhe të provuar nga gjykata është dhe ish-ministri Ilir Beqaj, megjithëse ai vazhdon të jetë ende i lirë.

Afera e sterilizimit është korrupsion

Shërbimi që mund të ofrohet mund të jetë shumë cilësor, por vjedhja është po aq cilësore sa edhe shërbimi që u jepet pacientëve.

Kjo është e padiskutueshme. Nuk e mohon dot as kryeministri ynë. Nuk mund t’ia heqë dot llumin që i kanë bërë vjedhjet e PPP-ve dhe koncesioneve me disa deklarata, ku thotë se askush nuk i sekuestron dot.

Kryeministri ynë nuk është kryetar i SPAK-ut, ai duhet ta kuptojë mirë se sterilizimin mund ta sekuestrojë SPAK-u me vendim gjykate dhe mbi gjykata nuk është askush.

As Edi Rama që kërkon të shpëtojë Ilir Beqajn dhe bashkëpunëtorët e tij shumë cilësorë në vjedhje.