Kuvendi jashtë kontrollit, ndërhyn Garda

Një moment tensioni ka ndodhur sot në Kuvendin e Shqipërisë, ku deputeti demokrat Klevis Balliu është përplasur me nënkryetaren e Kuvendit, Klodiana Spahiu.

Gjatë seancës, Balliu ka kërkuar të flasë nga foltorja, por Spahiu ka insistuar se i kishte hequr të drejtën e fjalës për ditën e sotme dhe i ka kërkuar të ulet për shkak të një mase të marrë ndaj tij.

Në përpjekje për të ndaluar Balliut, Spahiu ka kërkuar ndërhyrjen e Gardës së Republikës, ndërsa tensionet kanë vazhduar të rriten.

Për të qetësuar situatën, nënkryetarja e Kuvendit ka urdhëruar një pushim të seancës prej 5 minutash, për të sqaruar më tej situatën.