Manjani: Rama është bërë pishman që paska miratuar autonominë universitare?!
Ish-ministri i Drejtësisë, Ylli Manjani, ka komentuar deklaratën e Ramës para rektorëve sot, ku i kërcënoi se do tu hiqte autonominë Universiteteve.
Me anë të një statusi në Facebook, Manjani i kujton Ramës se liria dhe autonomia e Universiteteve janë të garantuara me ligj.
Ja postimi i Manjanit:
Kryeministri është bërë pishman që paska miratuar autonominë universitare?!
Nuk e di a e kupton më se çfarë flet, por ju ftoj të lexoni nenin 57. 7 të Kushtetutës së Republikës, i cili parashikon në tekst:
“ Autonomia e institucioneve të arsimit të lartë dhe liria akademike janë të garantuara me ligj”.
Është Kushtetuta e Republikës kjo, jo statuti i Rilindjes e as letra e tenderit nga Delaware…
Pra autonominë universitare e kanë vendosur shqiptarët në Kushtetutë që në vitin 1998, kur Edi Rama nuk ishte askund këtej pari.
Nuk e vendosi Ai Autonominë, përkundrazi ndërhyri keqas, po keqas fare, me ligjin ende në fuqi të arsimit të lartë. Ndaj ska për çfarë të ndjehet pishman që paska “vendosur autonominë e universiteteve”…
Po ngaqë Kushtetuta dhe ligjet për këtë njeri nuk kanë patur ndonjëherë rëndësi, nuk ka si të kenë sot në gjendje të rënduar përçartje.
Ja dhe neni 57 i Kushtetutës:
Keni një histori? Denonco anonimisht, identiteti juaj mbrohet.
Denonco
