Masakër me 3 të vrarë në Elbasan, Lleshi i ‘vë tapë’ gojës

Vetëm pak orë pas masakrës me tre të vrarë në Elbasan, ministri Brendshëm Sandër Lleshaj ka zhvilluar një takimi me drejtuesit e Policisë së Shtetit.

E habitshmja është se Lleshi gjatë këtij takimi foli mbi fishekzjarret, ndalimin e lojërave të fatit dhe punën e Policisë së Shtetit, por nuk pati guximin të thoshte një fjalë për masakrën në Elbasan.

‘Që në orën 00:00 të 1 janarit nuk do të lejohen bastet sportive, lojërat me kalë, apo dhe reklamat për bastet. Policia e Shtetit në këtë rast është strukturë në zbatimin e drejtpërdrejt të ligjit.

Policia e shtetit është e ngarkuar drejtë për drejt për zabtimin e këtij ligji. Ky ishte mesazhi kyç që doja të përcillja për ju dhe për publikun’, u shpreh Lleshi në fjalën e tij.

Siç duket Sandër Lleshi ende nuk e ka kuptuar që është ministër i Brendshëm dhe ministria që ai drejton merret me krimin, me vrasjet, me drogën, me trafiqet e nuk merret me fishekzjarre dhe kazino.

Nëse Lleshi është në atë detyrë vetëm për kazinotë dhe llotot e Edi Ramës, të paktën bën mirë të na e thotë që të mos i kërkojmë më llogari për njerëzit që vriten çdo ditë në Shqipëri dhe krimet që tronditin opinionin publik në këto ditë festash.

Nëse Lleshi i vë ‘tapën’ gojës për këto ngjarje të rënda, më e ndershme për të është që të mos fjalë as për gjëra të tjera.