Meta e fillon javën në zyrën e Berishës

Kryetari i PL-së, Ilir Meta po zhvillon një takim me kryedemokratin, Sali Berisha. Meta shoqërohet nga deputeti i 362 votave, Petrit Vasili dhe takimi po zhvillohet në selinë blu.

Ende nuk janë dhënë detaje për takimin mes tyre, megjithatë mendohet se në fokus të bisedimeve janë zgjedhjet lokale të 14 Majit.

Ky është takimi i dytë mes Metës dhe Berishës. Kujtojmë se javën e shkuar, Meta dhe Berisha zhvilluan diskutime mbi zgjedhjet e 14 Majit si dhe aksionin opozitar, pasi kreu i demokratëve në daljet e tij ka paralajmëruar se protetat nuk do të ndalen.