Meta i përgjigjet Ramës: S’e kam për turp që jam burri i Monikës, që kur e votuam kryeministër i kam kërkuar që…

Presidenti Meta nuk i ka kursyer përgjigjen kryeministrit të vendit Edi Rama, që refuzimin e ftesës për këtë takim e pasoi edhe me një reagim të fortë në rrjetet sociale.

meta1

“Më vjen shumë keq për reagimin e tij por nuk humbas asnjë moment qetësinë, unë nuk e kam për turp që jam burri i Monikës dhe këtë e dinë gjithë shqiptarët, unë Monikën e kam gjetur në partinë që drejton sot Rama, por ai e di se unë i di detyrat dhe bëj ndarjen personale, shoqerore dhe familjare me anën institucionale. Është tjetër gjë Monika dhe tjetër gjë Republika aq më tepër në këtë detyrë kaq të rëndësishme që kam. I bej të qartë se axhenda ime është ajo e presidentit të Republikës vend anëtarë i NATO”- tha Meta.

Më tej ai theksoi se “Axhenda ime nuk është as të gjithë pushtetin sovjetëve, që e provuan shqiptarët për 45 vjet, as axhenda Rama ik, e Lulit, Monës dhe Doktorit, nuk i them dot Saliut. Axhenda ime në raport me kryeministrin është shumë e thjeshtë, është reflekto, se ashtu si unë jam në gjendje të bëj dallimin mes Monikës dhe Republikës edhe atij i kam kërkuar edhe kur kam qenë në koalicion para se ta votonim për kryeministër, edhe në vazhdimësi, deri në drekën e fundit që u bë publike këtu që duhet të bëjë dallimin mjaft të rëndësishëm mes të qenit kryetar i PS dhe kryeministër i gjithë shqiptarëve”.

“Nuk është axhenda ime me opozitën “Rama ik” por vetëm “Rama reflekto”, u shpreh Meta.

Më shumë nga Politikë

Zëri yt bëhet lajm.