Meta sulmon Prokurorin e Përgjithshëm/ “Me të është kapur drejtësia”

Kreu i Partisë së Lirisë, Ilir Meta ka sulmuar Prokurorin e Përgjithshëm Olsian Çela, ndërsa ka komentuar vendimin e Gjykatës së Apelit për çështjen e vulës së PD-së.

Në një takim, me strukturat e PL-së në Vaun e Dejës ai tha vendimi ishte i kapur nga Rama dhe drejtësia është e dalë nga “Ramaforma”. Në këtë pikë doli te Prokurori i Përgjithshëm, duke thënë se ai u zgjodh me 69 vota nga Kuvendi dhe sipas tij me Çelën, Rama ka kapur drejtësinë.

“Nuk kam pasur asnjë dyshim për atë vendim, ishte një regji e mirëmenduar i Edi Ramës. Vetëm një naiv mund ta mendonte se vendimi i cili u zgjat për një vit. Përmes këtij akti kaq brutal që ka shokuar çdo njëri. Drejtësia e re është e dalë nga Ramaforma. Zvarritja e çështjes është bërë nga Edi Rama”, tha ai ndër të tjera.