Ministri Balla reagon për prangosjen e 41-vjeçarit dhe 23 zjarrvënësve : Gjykata e vlerësoi të ligjshëm arrestimin

Ministri i Brendshëm Taulant Balla, ka reaguar në lidhje me arrestimin e një 41-vjeçari në Laç, i cili u prangos për zjarrvënie.

Ministri ka bërë me dijen se gjykata e ka vlerësuar të  ligjshëm dhe të mbështetur në prova arrestimin e zjarrvënësit.

Më tej, Balla shkruan se “23 zjarrvënësit e arrestuar nga Policia e Shtetit këtë sezon veror të marrin dënimin e merituar për veprën e tyre kriminale”.

Ragimi i Ballës:

Gjykata e vlerësoi të ligjshëm dhe të mbështetur në prova arrestimin e zjarrvënësit të Laçit dhe kjo është një arsye për ta vlerësuar Prokurorinë për dokumentimin e dosjes penale dhe vendimin e përgjegjshëm të Gjykatës!

Në pritje që 23 zjarrvënësit e arrestuar nga Policia e Shtetit këtë sezon veror të marrin dënimin e merituar për veprën e tyre kriminale, bëj apelin e përsëritur edhe nga Kryeministri Rama, që gjykatësit e këtyre çështjeve ta mbyllin përfundimisht me vendimet e tyre kapitullin e gjatë dhe të turpshëm për drejtësinë të mosndëshkimit të duhur të kësaj vepre penale për vite me radhë!