Miqtë e Taylor Swift: “Ajo është bërë nevrike dhe paranojake për të dhënë intervista”

Rikthimi i Taylor Swift në industrinë muzikore pas një furi lajmesh e ngjarjesh kundra saj sigurisht që nuk ka qenë e lehtë. Albumi i saj “Reputation” i cili del në shitje ditën e nesërme është pasqyrimi ideal i reputacionit të saj që këto 2 vite ka pasur shumë ulje dhe ngritje.

Duke qenë qendra e vëmendjes për një kohë kaq të gjatë sugurisht që e ka shndërruar këngëtaren dikur të ëmbël dhe të brishtë në një vajzë të fortë që nuk i bën syri dritë për asgjë.

Miqtë e saj të ngushtë por edhe menaxheri i saj janë shprehur për “Daily Mail” se së fundmi Taylor është bërë paranojake dhe shumë nevrike. Ajo po përpiqet të mbajë nën kontroll çdo gjë që lidhet me përgatitjet e lançimit të albumit të saj. Sa i përket intervistave apo gazetarëve ajo u sillet ashpër duke i shmangur plotësisht. Edhe nëse vendos të japë ndonjë intervistë, të gjitha pyetjet kontrollen nga vetë ajo.