Monika Kryemadhi: Zgjedhje të parakohshme dhe asgjë tjetër!

Kryetarja e LSI, Monika Kryemadhi, ka folur për mediat gjatë marshimit të protestuesve në drejtim të Kryeministrisë. Kryemadhi theksoi se kërkesat e qytetarëve janë të thjeshta fare: Zgjedhje të parakohshme dhe asgjë tjetër!

Kryemadhi tha: Po sensibilizojmë socialistët në parlamentin e Edi Ramës dhe atë pjesë të Rilindjes, që vetëm sa po e zvarrisin më shumë…

Protestat nuk do të ndalojnë, si të vijë, më 13 prill, në maj….derisa në Shqipëri të vendoset sistemi i vlerave dhe të çrrënjohet sistemi i antivlerave, që ka ngritur Edi Rama, që e ka bërë Shqipërinë ta njohin si vendin e drogës, seksit, parave të pistave.   Vetëm me largimin e Edi Ramës, Shqipëria do të bëhet vend normal.

Pyetje: Pse do ta mbani në darkë, protestën e 13 prillit?

Kryemadhi: Sepse është një mënyrë tjetër, sepse për shkak të kushteteve atmosferike, e kemi menduar si gjë më të mirë. Pra, zgjedhje të parakohshme, nuk ka më asgjë tjetër. Shumë e thjeshtë. Edi Rama është aktori dhe regjisori i të gjithë procesit makabër të zgjedhjeve. Këtë nuk e kemi vërtetuar ne, por dosjet e hetimeve.

Ambasadorët ikin dhe vijnë, kthehen si mbretër në vendin e tyre, kthehen në normalitet në fund të ditës, kurse shqiptarët janë në shtëpinë e tyre. Shumë shqiptarë kanë qënë në emigracion, asnjëri nuk ka marrë andej atë që ka ëndërruar, por ne duhet të ndërtojmë vendin tonë. Droga i varfëroi shqiptarët dhe shqiptarët e varfër u blenë shumë shpejt prej tyre.