Motori i borës përplaset me shtyllën, plagosen 4 persona

Katër persona kanë mbetur të lënduar si pasojë e një aksidenti të ndodhur pasditen e sotme në fshatin Bogë, në zonën e Rugovës.

Sipas Policisë së Kosovës për rajonin e Pejës, aksidenti ka ndodhur kur një motor bore ka humbur kontrollin dhe është përplasur me një shtyllë elektrike, duke shkaktuar plagosjen e katër personave që ndodheshin në të.

Menjëherë pas njoftimit, në vendin e ngjarjes kanë mbërritur forcat e policisë dhe shërbimet e emergjencës, të cilat kanë bërë të mundur dhënien e ndihmës së parë dhe transportimin e të lënduarve drejt institucioneve shëndetësore.

Zëdhënësi i Policisë për rajonin e Pejës, Driton Rugova, konfirmoi se hetimet janë në vijim dhe se po punohet për sqarimin e plotë të rrethanave që çuan në këtë aksident.