Ndeshje fantastike në Mynih, Spanja përmbys Francën brenda 4 minutave dhe mbyll pjesën e parë në avantazh

Pjesa e parë e supersfidës Spanjë-Francë që po luhet në Mynih ka dhuruar spektakël. “Furia e Kuqe” ka mposhtur me përmbysje “Gjelat” me rezultatin 2-1.

Ekipi i Deshamp kaloi i pari në avantazh në minutën e 9. Mbape harkoi nga e majta në shtyllën e dytë, ku Kolo Muani me kokë dërgoi topin në rrjetë.

Në minutën e 21, Lamin Jamal shmangu dy lojtarë dhe lëshoi një goditje spektakolare nga jashtë zonës që mposhti portierin Menjo.

4 minuta më vonë, spanjollët përmbysën rezultatin. Dani Olmo shmangu dy lojtarë në zonë dhe lëshoi një diagonale të cilën Kunde e devijoi në rrjetën e portës së tij.

Mbetet të shihet si do të shkojnë 45 minutat e dyta të këtij takimi të çmendur që po gjykohet nga arbitri slloven, Slavko Vinçiç.