“Nga drejtimi i Ministrisë së Brendshme në i pandehur”, Tahiri: Unë jam prapë ministër kampion!

Ish-ministri i Brendshëm Saimir Tahiri u pyet përpara Gjykatës së Krimeve të Rënda nëse kishte pengje për periudhën kur ishte ministër i Brendshëm dhe tani ndodhet i pandehur zyrtar.

Pyetje-përgjigje: 

-A keni pengje për mënyrën se si keni drejtuar kur keni qenë ministër i brendshëm?

Tahiri: “Ky nuk mund të jetë momenti ku unë të rrëfej jetën time”.

-Sepse nga një ministër kampion jeni një i pandehur zyrtar.

Tahiri: “Unë jam prapë ministër kampion. Atë që kam bërë për Policinë e Shtetit nuk kthehem kurrë mbrapa”.

Tahiri u pyet nga gazetarët përpara Gjykatës së Krimeve të Rënda edhe për mos pjesëmarrjen në kongresin e Partisë Socialiste zhvilluar të shtunën e shkuar.

Tahiri preferoi të mos bënte ndonjë koment, ndërsa shtoi se priste të fliste pas mbylljes së çështjes që i hapi politika.

“Nuk kam asnjë koment. Është vendimi im për të mos bërë politikë deri kur kjo çështje që më bëri politika të mbyllet”, tha Tahiri shkurt.