Ngjarja në Don Bosko, 10-vjeçarja që u lëndua ishte mbesa e viktimës

Mbrëmjen e djeshme, në lokalin në Don Bosko, në Tiranë në pronësi të Fatjon Muratit, person me precedentë të mëparshëm penal, u regjistrua një atentat mafioz. Ngjarja solli 1 viktimë dhe 5 të plagosur.

Këta të fundit janë Astrit Meraj, 42 vjeç, Emanuel Sala, 47 vjeç, Ermir Bejuku, 45 vjeç, Genc Shohalli, 55 vjeç dhe Sahit Murati, 50 vjeç, xhaxhai i Fatjon Muratit që dyshohet se ka qene objektiv i atentatit.

Viktima është identifikuar si Mimoza Paja, banakiere në lokal e cila u vra aksidentalisht nga plumbat. Ndërkohë mbeti e lënduar nga copat e xhamave edhe një vajzë 10-vjeçare. Kjo e fundit mësohet se është mbesa e banakieres.