Një peshk i madh në rrjetën e SHBA’, gazetari: Tahiri, shumë i vogël …..

Prej vitesh gazetar i kronikës së zezë, gazetari Basir Çollaku vitet e fundit ka intervistuar ish-oficerët e Policisë së Shtetit, të cilët kanë denoncuar përfshirjen e ish-ministrit të Brendshëm, Saimir Tahiri në trafikun e drogës, me anë të kushërinjve të tij Habilajt.

Ja çfarë shkruan sot Çollaku në Facebook:

Një peshk i madh bie në rrjetën amerikane. A janë lidhjet e tij me krimin e organizuar, shkaku?

Cilat janë lidhjet e kryebashkiakut me bandat kriminale të Durrësit e veçanërisht me Lul Berishën?

A është negociuar në zyrën e Dakos procedura e konfiskimit të pallatit tek UTV në pronësi të Lul Berishës, në 2010?

Pse? Cili ishte roli i Dakos? Cili ish-deputet i PS ka qenë ndërmjetës?

Për këto e shumë të tjera, kam siguruar premtimin e një ish-funksionari të lartë të kohës, përgjegjës për konfiskimin, për të folur… me dëshmi, dokumente dhe fakte … më në fund.

Prisni, nuk keni parë gjë akoma. Saimir Tahiri do duket cironke, pas kësaj. Së shpejti..