Njëherë timonin, pastaj programin! Ose, ç’thotë populli bën partia!

     Arben     Vata

Kryeministri ka kërkuar sot mendimin e qytetarëve për ta përmirësuar qeverisjen e tij në katër vitet që vijnë. Njoftimin e ka bërë në profilin e tij zyrtar në Facebook,ku sigurisht ka marrë shumë komente.

Rama mori tashmë timonin për të drejtuar “makinën” Shqipëri, siç dihet pa shpalosur asnjë program për qytetarët përgjatë fushatës elektorale. Meqë tani duhet një program, ai fton qytetarët që ta bëjnë bashkarisht. Fundja, kur qeveria të marrë votëbesimin në parlament, duhet lexuar një program.

Në fushatë shkohet pa program, por në parlament jo. Nga ana tjetër, përfshirja e qytetarëve në hartimin e programit qeveritar, bën realitet një thënie thuajse të harruar “Ç’thotë populli, bën partia.

Çfarë do partia, bën populli.” Përpara drejt fitoreve të reja. Mbetet vetëm të shkatërrohen dalëngadalë këta kulakët e PD, por për këtë mendon vetë kryeministri!