“PD e ben te kryr pa fidhuar mir “, analfabeti socialist masakrohet në rrjet “o injorant, mavri”

Dorjan Murati është kandidati që do të garojë nën siglën e Partisë Socialiste në bashkinë e Kavajës, por me sa duket, pa nisur ende mirë garën, duke u munduar të bëjë fushatën në rrjetet sociale, ai ka arritur të fitojë urrejtjen dhe përbuzjen e popullit. Pse? Për shkak të një statusi të mbushur me gabime drejtshkrimore.
Në tre rreshta shkrim në profilin e tij në Facebook, Murati ka bërë një numër të konsiderueshëm gabimesh, të mos përmendim këtu edhe problemin e madh që ka në dallimin mes gërmave “dh” dhe “ll”.

Ky status nuk ka ngelur pa u parë e pa u evidentuar edhe nga ndjekësit e tij në faqen “Drejtimi i Duhur për Kavajën”. Kanë qenë kavajsit ata që e kanë masakruar e nuk kanë lënë gjë pa i thënë. Disa e quajnë analfabet, të tjerë ditëzi, por nuk mungojnë as ata që tregojnë se ky është rasti kur edhe ato 8 klasë shkollë që ka bërë, ia ka dhënë partia.

Disa nga gabimet e tij po i evidentojmë më poshtë:

Si e ka shkruar Si duhet

e ben e bënë

te kryr të kryer

pa fidhuar mir pa filluar mirë

kryeminister Kryeministër

ka sy ne badhe ka sy në ballë

Kavaja e din mir cfar Kavaja e di mirë çfarë

maskaradhiqe maskarallëqe

ke me te ndryshemet nga më të ndryshmet

kjo e ka vertetu kjo e ka vërtetuar

kavajen Kavajën

partin Socialiste Partinë Socialiste

Siç e thamë më sipër, këto janë vetëm disa nga gabimet trashanike, por ndoshta kandidati socialist bën mirë të kalojë njëherë në ndonjë shkollë fillore e të mësoje abetaren e gjuhën shqipe, s’do ishte keq!