Problemi është se u mësuam me të keqen

Kur Edi Rama pregatitej të vinte në pushtet, popullit i dukej qeveria Berisha katastrofë.
Edhe pse kishtë ndërtuar rrugën e kombit, rrugën Tiranë-Elbasan (më shumë se 80%), kishte bërë disa investime të prekshme në bujqësi. Erdhi investimi i TAP. Nisi, por u frenua me reformën në arsim, u përfol konçensioni i rrugës së kombit, por më shpejt u shua se u diskutua…etj.
Megjithatë mendonim se ishim keq, kjo nga fakti i një qeverisje 8 vjeçare, por më shumë sepse Edi Rama premtonte mrekullira. Premton aq shumë sa dukej se konçensione jo që nuk do kishte, por edhe këto që ishin do t’i shtetëzonte. I premtonte këto kur çonte Elisën në minierat e Bulqizës, në rafineritë e naftës në ballsh. Kur dilte vetë dhe thoshte- falas shëndetësia, falas fare. Arsimin do ta bëjmë, nxori dhe frazën e famshme “analfabet funksional”…etj. Premtonte investime të huaja. Premtonte nxjerrjen e bujqësisë nga gjendja mesjetare. Premtonte ulje të çmimit të ushqimeve të shportës… Ç’nuk premtonte!
Erdhi në pushtet. Të gjitha akuzat që drejtonte ndaj qeverisë Berisha, kishin qenë në fakt objektivi i tij në pushtet. Për ushqimet çdo shqiptar e di tani se sa janë ulur, nuk po ndalem shumë.
E akuzonte për konçensionet, i shumfishoi, gati sa mund të falimentojë shtetin nga momenti në moment.
E akuzonte për arsimin, ngriti një reformë arsimi faqja e zezë, e cila çoi në protestat më të mëdha të studentëve pas ’90-s. Analfabetizmin funksional dhe injorancën e mediokritetin e ngriti në një stad më lart se ç’ishte. E futi në parlament, në qeveri, në instancat më të larta të shtetit.
E akuzonte për kapjen e mediave. Sot media oponente me të ka shumë pak.
E akuzonte se vodhi Rrugën e Kombit.
Sot e dha me konçension atë, me një praktikë tërësisht korruptive.
E akuzonte për shëndetësinë.
E dha me konçension vetë dhe tani del si bamirës për rastet shëndetësore ne emisionet e formatit të tillë.
E akuzonte për bujqësinë.
Sot 7 vite në pushtet nuk ka asnjë frut nga kjo punë. Zero!
Se për pak më doli nga mendja.
E akuzonte se vjedh zgjedhjet për të vjedh shqipërinë dhe vjedh shqipërinë për të vjedh zgjedhjet. Rezultoi se ky i vjedh zgjedhjet edhe kur zgjedhje nuk ka, edhe kur është në garë me veten e tij prap i vjedh votat.
Për reformën në drejtësi nuk po e përmend fare sepse mendoj se mjafton degjenerimi i i bëhet asaj nga avokati Ngjela.
Të gjitha këto ndodhën dhe sërish ky po e mbyll 2 mandate në pushtet. Tani që nxori edhe opozitën nga sistemi nuk është çudi më asgjë.
Tani problemi nuk është se ky mund të jetë km më i keq i të gjitha kohërave, problemi është se ne u mësuam si popull, sa kohë ky nuk ndjehet i kërcënuar.
Po jo vetëm kaq. Po pse qeveria e nesërme do duhet të zhbëjë të gjitha të këqiat e kësaj qeverie sa kohë e ka të provuar se populli nuk ka për të kërkuar një gjë të tillë pasi është mësuar?!