PS mbledh sot Kryesinë! Do votohet më 6 Mars

Pas dekretimit zyrtar të datës së zgjedhjeve të pjesshme, Partia Socialiste pritet të mbledhë sot Kryesinë e saj. Burime bënë të ditur se mbledhja e Kryesisë do të zhvillohet sot në orën 13:00 në selinë rozë.

Nje dite me pare, kreu i Shtetit, Ilir Meta  ka ftuar në konsultim vetëm kreun e Grupit të PS-së, Taulant Balla, ndërkohë që ditën e sotme bëri të ditur se data e caktuar për zgjedhjet e pjesshme në 6 bashkitë e vendit do të jetë data 6 mars. Meta bëri me dije se më 6 mars do të zhvillohen zgjedhjet për kryetar bashkie në Shkodër, Dibër, Durrës, Vorë, Rrogozhinë dhe Lushnjë.

“Uroj që ky proces të jetë një shembull i besimit te demokracia dhe vota e lirë!”, shkruan Meta.
Nga ana tjetër demokratët reaguan me anë të Sekretari i Përgjithshëm Gazmend Bardhi e etiketoi takimin Balla-Meta si teatrin e radhës së trekëndëshit të Bermudës!