Pse Rama e kërkon me ngulm dialogun me studentët

Neritan Sejamini

Kembengulja e Kryeministrit per t’u takuar per dialog me studentet nuk ka asnjë lidhje me dialogun, por me spektaklin dhe propaganden. Edi Rama nuk do kurrsesi të dalë nga kjo gjendje si njeriu që studentet e detyruan të ndryshojë reformen e tij teresisht të deshtuar në arsim. Ai nuk do të dalë nga kjo histori si humbes, si njeriu i mundur, që mjaftuan ca ditë protesta dhe kapitulloi. Ai do të dalë thjesht si njeriu që nuk e dinte gjendjen e arsimit, por pasi e mesoi nga studentet u bë me ta dhe e zgjidhi.

Mbi të gjitha Edi Rama kerkon dhe do që t’i diskreditoje studentet, si njerez te painformuar, të paqartë, të paditur, duke u predikuar e moralizuar, duke i kritikuar e madje duke i tallur, pasi ka shumë perparesi në nje dialog me ta: jo vetem pervojen, aftesitë, karizmen dhe pafytyresinë e genjeshtres në diskutimet publike, por edhe të informacionit, të të dhenave, shifrave, etj. që studentet nuk i kanë. Po u ulen ne “dialog” fiton Edi Rama dhe asgjë nuk do ndryshojë: ai do bejë gjoja sikur do t’ i plotesojë kerkesat dhe studentet do kthehen me bishtin nder shalë në shkollë.